認識 Integral Kids 因為張慧慈，之前上過佢 NLP 課程，到佢生小朋友就建立 Integral Kids，提供一個佢形容為與市面完全不一樣的學前課程，網頁介紹：
《整合學前啟發課程 PNIP playgroup》預先建立個體上的良好學習態度、積極正面的身心狀態、全腦認知發展、生活適應能力、語言表達能力、感覺統合發展和自律性發展等；同時又能兼顧禮貌和道德感建立、與人合作、共創性、依附關係、社交和關愛的能力；課程更會配合社會需要，讓孩子能快速掌握中英兩種語言的學習和表達能力，課程更會配合社會需要，讓孩子能快速掌握中英兩種語言的學習和表達能力，教案更會因應不同年齡階段的兒童教育指南和發展評估編排，讓家長和導師一起合作，達到教育上相輔相成的效果。
好長的理念... 實際上又如何呢？
今日第一堂，一入到去職員好友善接待，為大小朋友清潔雙手，小朋友等上課時可以自由去睇書玩玩具，地方唔算好大，4-6位小朋友一齊玩
入課室上堂喇~~ 課室地方幾大，而且有好大個窗，個人好喜歡呢種咁光猛環境。大小朋友圍住開始上堂，今日7對親子，有3位導師，比例非常充足。導師開始會邊唱邊點名，帶領大家互相認識，然後會唱 MONDAY-SUNDAY，對於2歲以下小朋友，都係聽吓，問星期幾真係個個都無反應~ 哈哈!!
每堂有主題活動，小朋友穿上龜殼扮龜，拯救蛋蛋，有趣!!
其後係手工時間，用紙碟做一條蛇，小朋友用手點點綠色水彩上去。
排隊洗手之後，小朋友享用茶點，全部由家長自備。
整體感覺幾好，導師 nice，活動豐富，課程全英文，導師同家長溝通時可按需要用廣東話。
整合兒童學習及發展中心
Integral Kids Learning and Development Centre
九龍灣宏開道16號德福大廈1908-1909室
*--*--*--*--*--*--*--*--*--*--*--*--*--*--*
KOBIE the little fish - 樂在親子每一刻
https://kobiefish.blogspot.com
kobiefish@gmail.com
0 意見:
張貼留言