台北親子遊2016 - 蓄勢待發

台北近日咁多新聞...

7.2級地震...
38度高溫...
機場水浸，便便在輸送帶飄浮...

我地過2日就出發，成個星期睇見呢啲新聞都心情一沉... 如果出發前再touchwood地震，應該會取消(順帶一提，7日前有天災導致行程取消，藍十字旅遊保險有得賠償，越來越明白旅遊保險唔好貪平，唔爭在一二百蚊)。

執行李準備起行，台北嚟緊日日大雨，煩緊到時用車仔定用 hipseat 好，驚太大風雨即刻落商場買件雨褸仔，原來細碼好難搵，只係一間搵到，得一款仲要得一件，好在都幾靚。

返屋企試吓，長到拖地，哈哈哈。

行程方面，最大影響係去台北動物園及兒童新樂園，假如落大雨真係好難玩，即刻book咗大樹先生的家親子餐廳同大安親子館，兩手準備，到時睇天氣做人。

唔好落大雨，落少少好喇...