某日去元氣食軟殼蟹手卷，魚仔不停要食，仲食得非常滋味，除咗件軟殼蟹，成個手卷食晒！咁簡單就滿足，就整俾你食啦~~ 雖然魚仔平時食飯都OK，但有時都要攪攪新意思，食得開心自然食得多，吸收都好啲~~
紫菜營養十分高，小朋友都適合食用(當然份量要適宜)。紫菜含有大量的鋅、鐵和碘等營養物質，所含的蛋白質與大豆差不多。紫菜中含有豐富的膽堿成分，有助增強記憶。當中甘露醇具有清熱利尿促進人體代謝等功效。含豐富的鈣、鐵元素，促進兒童和老人的骨骼、牙齒生長和保健，更是治療兒童貧血的良物。
除了必要的紫菜和飯，其他材料基本上沒有限制，只要水份不太多便可(免令紫菜變濕軟)，小朋友可選鮮蝦(如沒有敏感)，蛋白質十分豐富。
材料：壽司紫菜半塊、飯3分1碗、熟海蝦3隻(略大)、菜心莖2條
魚仔食評：「媽咪整紫菜飯飯，好好味！蝦蝦好味，有菠蘿味(無菠蘿喎!!)、有蘋果味(都無蘋果喎!!)，好開心！」
*--*--*--*--*--*--*--*--*--*--*--*--*--*--*
KOBIE the little fish - 樂在親子每一刻
https://kobiefish.blogspot.com
kobiefish@gmail.com
0 意見:
張貼留言