2016年2月10日星期三

民間年宵市場牛下年宵夜市

理性上明白街頭小販唔衛生、阻街... 但個人非常喜歡呢種充滿人情味、夠晒地道嘅飲食文化，好有香港特色，可惜已經買少見少。

往年牛下年宵夜市係天橋底擺檔，小食檔最 hit 係炭燒雞蛋仔，記得牛下未拆晒之前，我地岩岩入住淘大，有時放工經過球場都會見到佢，而家牛已重建，平日再見唔到佢，但牛下夜市佢就會擺檔，$25一底唔平，食落去未必嘩嘩聲，但又係一種情懷，好多人一見到就去排隊。

今年話要起乜乜文娛中心(?)，新年前已經封晒天橋底位置，打不死小檔移到巴士站附近，唔知佢地有冇約埋(?!)，都有7、8檔，無往時咁熱鬧，有點慨嘆好過無，希望下年仲生存到。