氣炸芝士魚肉春卷 by Panasonic蒸焗爐

發現自己幾乎日日都諗緊點玩個爐，哈哈~~ 

是日新作：氣炸芝士魚肉春卷

真係好簡單：芝士、魚肉、春卷皮

春卷皮剪開一半，以免太厚裡面唔脆，搽薄薄一層魚肉，加芝士碎 (用片裝芝士可切幼條)，卷埋，收口用返少少魚肉痴住就可以~~

用 Healthy fry mode 一定要預熱，Preheat 大約跳5分鐘就會嘟嘟嘟，之後就可以放食物入去，較岩30分鐘，中途可以 stop 開出黎睇吓，千祈唔好按2下 stop，否則跳咗出去就要重新 Preheat 了!!

*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

焗芝士風乾火腿大啡菇 by Panasonic蒸焗爐

好多芝士，越多芝士越好味~~~

今次好簡單落咗片裝芝士再加 pizza cheese，仲有 parma ham (唔需要太碎，可以一片片)，材料唔多但味道好好~~  可能因為 parma ham 好惹味!! 

其實落煙肉、火腿、吞拿魚沙律、粟米粒、薯蓉... 都可以，下次再試!!

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

芝士煙肉焗薯 by Panasonic蒸焗爐

材料：美國焗薯2個、煙肉3-4條、片裝芝士2片

調味料：胡椒碎、海鹽

午餐唔知食乜好，見到有焗薯又要試吓個爐，想健康啲就唔好要煙肉，改火腿、鹽水吞拿魚、雞肉碎，芝士當然好簡單可以選低脂芝士。

用200度焗30分鐘左右就可以，呢個爐好好有蒸氣功能，如唔想焗得太乾，可以中途加蒸氣放濕，又或者直接用蒸焗功能，比較烘焗無咁乾 & 快少少煮熟。

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

十句最傷小孩心的說話

這年代，很多孩子都嬌生慣養，不能承受壓力，父母有時衝口而出的一句話，都有可能釀成不愉快事件。以下十句話，家長想講之前，不妨先停一停，諗一諗。

1.「你為甚麼就不能夠像……」、「你看看別人家孩子！」
所謂人比人，比死人，硬要用其他人的子女與自己的子女比較，很容易打擊孩子自尊心和自信心，甚至引起情緒不穩。

2.「你怎麼這麼不懂事？」、「你真讓我感到羞愧！」
這樣說只會令孩子心生叛逆，把事情弄得更糟。

3.「你簡直笨到極了。」、「我們家怎麼有這樣一個不爭氣的孩子？」
這話會使孩子心靈受到極大傷害，甚至產生自卑感。

4.「走開，讓我安靜一會兒。」、「你自己去玩，別來煩我。」
這會令孩子覺得自己是多餘的人，產生孤獨感，還可能會誤會父母討厭自己，造成憂慮，甚至留下陰影。

5.「少囉嗦，閉嘴！」、「你還小，懂甚麼？按我說的去做就行。」
這話會令孩子覺得父母不重視自己意見，久而久之，孩子會變得毫無主見，依賴性極強。

6.「老老實實去做，不然……」、「這次考試不能拿滿分，我就……」
威脅會令孩子產生恐懼，如果父母最後只講不做，更會失去孩子的信任。

7.「媽媽求你了……」
這話意味着家長投降，會失去在孩子心目中的地位，甚至在心裏看不起父母。

8.「我沒本事……」
大多數孩子的自卑感源自父母，如果父母性格樂觀、有自信，孩子自然會仿傚，反之亦然。

9.「你走吧，想去哪裏就去哪裏，爸媽不會管你了。」
任性的孩子真的可能會逞強離家出走，父母到時才後悔就太遲了。

10.「你不要碰，會摔壞的。」、「如果不行，就回來。」
這些說話會使孩子變得膽小，畏首畏尾。


來源：蘋果日報(17/10/2015)

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

巧虎香港版 幼幼版2016年4月號

巧虎香港版 幼幼版2016年4月號

由3月睇DVD預告下期有收銀機開始，魚仔日日都提住「下個月有虎虎收銀機」，哈哈!! 其實佢本身已經有部 Frozen 收銀機，好鍾意玩，但見到有新玩具仍然非常期待~~

終於收到4月號，一拆開勁興奮!! 的確係幾靚，仲有得嘟產品，有人聲講「買多件平D喎!」「特價時段」，又有玩拉卡儲積分「儲分已經存入積分卡!」，仲要收錢、找錢，每樣食物都標示價錢 (不過魚仔未識睇同數錢)。有張遊戲底紙提供2個場景，玩超市賣野 & 送貨。

感覺巧虎玩具產品的確幾有心思，設計得好細緻，好多玩具都係有幾種玩法，學習點多，耐玩。之前推薦朋友訂(雙方額外一份禮物)，今日都收到禮物喇!!

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

Panasonic 純蒸氣焗爐 NU-SC100W 蒸氣烤焗無微波

早排部微波焗爐出現閃光，嚇到我即刻熄機斷電，放落垃圾站之前貼咗張紙大大隻警告字眼，好驚漏電整到人，真係識修理隨便攞走，小心小心~~

自從有魚仔就唔想用微波爐，無咗個爐果2星期又覺得下下要開鑊蒸野好麻煩，死死地氣都要買番部，上網問吓意見，發現呢部Panasonic 純蒸氣焗爐 (NU-SC100W)好吸引，可以純蒸氣、蒸氣烤焗、烤焗、healthy fry，仲可以做發酵，好似好好玩，仲要細細部 & 價錢平(官方定價 $2280)... 無乜唔買嘅理由 (好似好 hard sell，本文不是廣告啊~)

近排大熱，連 fb 都有人開咗 group 分享點用呢部機 (真係越睇越毒!!)，Aeon、百老匯、豐澤都係訂貨，俾晒錢排隊等通知，魚爸上網搵小型電器店買，同樣行貨仲平少少，訂好通知我等收新玩具。

部機好靚仔，放咗上吧櫃唔礙眼，開爐洗機後，即刻試吓焗日本紫薯，效果好好，好似 BBQ 咁乾乾地，有焦香，焗完少咗水份好甜。

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===

七十句給孩子正能量的話

Embed from Getty Images

《七十句給孩子正能量的話》
(廣東話版)

1. (豎起大拇子) 或(擁抱)
2. 你上軌道啦
3. 你係那方面好努力
4. 我聽到你嘅感受，好好。
5. 結果，好好吖。
6. 一切都發展得唔錯
7. 我今日以你為榮
8. 你收到啦
9. 有史以來，你做得最好
10. 係面對困難嘅時候，你好鎮定
11. 就係咁啦
12. 你得嘅
13. 你宜家明白哂
14. 呢個係一個好大嘅進步
15. 我知道你一定做到
16. 恭喜你
17. 我好開心聽到你今晚所講
18. 你好犀利啊
19. 你解決咗個問題啦
20. 繼續啊，你就得㗎啦
21. 好掂喎
22. 你一定花咗好多心機啦
23. 你值得擁有
24. 對你今日所做嘅，爸爸媽媽感到好光榮
25. 太好啦，我以後都會記得今日
26. 你仲差少少咋
27. 多謝你，呢個係我收到最好嘅禮物
28. 食腦喎
29. 個Idea好正啊
30. 咦，我從來冇咁諗過喎，好嘢嚟㗎喎
31. 超正
32. 好棒(普通話)
33. 冇嘢可以阻止你越嚟越好
34. 你好有諗頭
35. 好有創意喎
36. 你好識諗，爸爸媽媽可以放心
37. 我當初冇諗過你會做到
38. 你揾到你要行嘅路
39. 你終於大個啦
40. 爸爸媽媽鄧你開心
41. 辛苦得嚟有成果
42. 你控制得很好
43. 你好有自己一套，但係亦好成熟
44. 你好上心
45. 你懂得係適當嘅時候做適當嘅嘢
46. 我睇到你嘅堅持
47. 你講得好好，好得體
48. 我好開心，我想聽你講多一次
49. 你知唔知我好愛你
50. 你可以話比你自己聽，你做到㗎
51. 阿仔(女)，我對你有信心
52. 我知你會諗到辦法
53. 我知你唔會放棄
54. 無論發生乜嘢事，爸爸媽媽都支持你
55. 你係唔會孤單㗎
56. 我地一家人嚟咖嘛
57. 盡咗力已經係成功
58. 唔係你所做嘅嘢，係你， 係你個人，係爸媽心目中永遠都係最好㗎
59. 你不斷嘗試的精神，我比個「服」字你
60. 爸爸媽媽係你個年紀都唔識(冇你咁叻)啊
以下是有基督信仰的十句:
61. 你係主所喜悦架
62. 主会係你身上做大事
63. 爸爸媽媽唔知點樣你，但主總會有辦法
64. 望住我，記住我呢個眼神，主呢刻都係咁望你
65. 你做到嘅呢D，唔好嫌棄自己，係主眼中已經非常好
66. 我地好開心，我相信主宜家都同樣咁開心
67. 我感覺到天父宜家都笑緊啊
68. 要記住啊，主同我地都好緊張你架，你係獨一無二架
69. 爸爸媽媽冇可能無時無刻陪住你，但係主唔係啊
70. 係主將你送左比我地

網絡轉載 https://www.facebook.com/hapikidsgalleria
Written by Dr. Louis Kok, MD, PhD
郭廸舜博士
註册心理學家(美國)

===按此閱覽全文===

N班面試全記錄 - 基督教中心幼稚園(九龍塘)

<純粹個人分享，歡迎參考，轉載必須獲本站同意>

事隔3個月再去面試，深深體會到小朋友相差幾個月，表現真係可以爭好遠

提早大約12:50到達，門口有老師及嬸嬸接待，個個都滿面笑容，感覺舒服，到第一間課室登記(報名是網上申請，自己帶列印本)，枱上名單有很多張A4紙，非官方消息稱有約2000人申請，始終是九龍塘區，又有學券(K班)，校譽又好，有2000也絕不奇怪

老師在報名表上寫低到達時間，檢查了出世紙便說可外出等待，外面等候區基本是超級free，小朋友可以在戶外遊樂場玩，室內也有數十部車仔任玩，幸好不久便叫名面試，再玩應該不願走了

面試室沒有關門，門口便是車仔區，課室內大約4人同時進行，各人開始時間不同，即面試期間有人出入，這種distraction對小朋友來說都算小考驗

老師問魚名字，食飯未，想食甚麼，魚只答未食飯

老師要求疊5塊積木，先示範再問識唔識，魚答我識，逐塊疊好，再放入籃，雙手交回老師

老師拿出膠波，要求碌過去給老師/媽咪，全做到

將木珠穿在木架上，全部穿到，但沒有分類(亦不知道是否需分類)

老師拿出動物木拼板，魚即時說長頸鹿，老師再引導問魚叫甚麼名，今次乖乖答了，中英文名都講，老師將長頸能拆開3份，請魚拼好

老師拿出牙刷和杯，問這是甚麼、怎樣用，魚急不及待出手示範

小朋友部份完成，老師叫魚自己玩，說要跟媽咪傾計，主要問選校原因、日常生活等

老師表明N不會直升K，原校學生亦需申請及面試

傾談期間魚起身想出去玩車仔(果然大誘惑)，我說等媽咪，老師也說派氣球，魚乖乖坐下，自己說要綠色，老師送氣球說多謝，離開時推椅及飛吻bye bye

整體而言十分順利，正如一開始說，相差3個月，明顯各方面都進步很多，老師多次讚賞魚說話很清楚


*** 面試結果：AM offer ***

<純粹個人分享，歡迎參考，轉載必須獲本站同意>

===按此閱覽全文===

全新食店(茶木/土司工房/靠得住) @淘大商場

淘大商場一向好多食肆，可能競爭大，部份開唔係好耐又唔見咗，之前間「冬蔭公公」最初開業真係好好味，但越來越差，湯底、粉麵、配料水準全部跌 watt，連假期都唔太多人幫襯，結果無幾耐都執咗。

元氣後門果邊執咗間時裝店，開 Toast Box 土司工房，似乎好吸引呢!!

自從惠康執咗之後，DSC 曾經進駐，短時間就成間公司摺埋，之後都係做散貨場，終於有著落了!! 一連開3間食肆，「太興」唔算新，只係由外面街舖搬入去，令人興奮係有「Teawood 茶木」，可以唔駛去德福都有得食平日 lunch set 了!! 第3間係「靠得住」，無乜認識，睇圍板知道係米芝蓮推介餐廳，都期待等佢開張試吓~~

 
*--*--*--*--*--*--*--*--*--*--*--*--*--*--*
KOBIE the little fish - 成長生活小記
https://kobiefish.blogspot.com
kobiefish@gmail.com

===按此閱覽全文===